ადრეული და სკოლამდელი აღზრდის თანამედროვე მიდგომები და პრაქტიკა

პროგრამის სახე – გადამზადება

ეროვნული კვალიფიკაციების ჩარჩოს დონე – მეხუთე

დაშვების წინაპირობა -საბაზო განათლება

სწავლის ხანგრძლივობა – 16 კვირა, 320 საკონტაქტო საათი

კურსის ღირებულება – ფინანსდება სახელმწიფოს მიერ

განხორციელების ადგილი – ქ.რუსთავი. ჟ. შარტავას გამზ.N4,  ქ.მარნეული,  იაღლუჯის დასახლება

პროგრამის მიზანია

მსმენელები გადაამზადოს დარგში არსებული სტანდარტების შესაბამისად.   შეასწავლოს ბავშვის განვითარების თეორიების ძირითადი მახასიათებლები ასაკობრივი თავისებურებების გათვალისწინებით; გააცნოს ადრეული და სკოლამდელი აღზრდისა და განათლების სახელმწიფო სტანდარტის მოთხოვნები და თამაშზე დაფუძნებული მიდგომები;  მსმენელებმა შეძლონ სოციალურ-ემოციური და ფიზიკური გარემოს ორგანიზება; გაეცნონ სხვადასხვა ინოვაციურ პედაგოგიურ მიდგომას, მათ შორის Reggio Emilia-ს მეთოდოლოგიას, ბავშვის ჰოლისტური განვითარების ხელშესაწყობად; შეძლონ ციფრული ტექნოლოგიების მიზნობრივი გამოყენება,  ბავშვზე დაკვირვება, მონაცემთა შეგროვება, შეფასება, შედეგების დოკუმენტირება და ანალიზი; ასევე  სკოლამდელი საგანმანათლებლო პროცესის დაგეგმვა, ორგანიზება და ეფექტიანად წარმართვა კურიკულუმის შემუშავების გზით.

პროგრამის ფარგლებში გათვალისწინებული სწავლის შედეგების მიღწევის შემდეგ კურსდამთავრებული მიიღებს კვალიფიკაციის დამადასტურებელ, სახელმწიფოს მიერ აღიარებულ სერტიფიკატს დანართით.